Plantun de Prouvènço

Pèr coumpara dos planto d'encò nostre

Artemisia campestris subsp. campestris & Grimmia orbicularis

Fenouias

Artemisia campestris subsp. campestris

Asteraceae Compositae

Autre noum : Aussent.

Nom en français : Armoise champêtre.

Descripcioun :
Lou fenouias (subsp. artemisia) es un pichot aubret que trachis en mountagno dins li relarg secarous e roucaious, subretout is adré. Èi la souleto meno d'aussent que sènt rèn un cop enfroumina. Li jóuini fueio soun un pau pelouso. Se destrìo de la subsp. glutinosa que lis enflourejado soun pas jamai pegouso. Flouris tardié dins l'an.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Aubret
Taio : 20 à 100 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Artemisia
Famiho : Asteraceae
Famiho classico : Compositae

Ordre : Asterales

Coulour de la flour : Jauno
Petalo : >6
Ø (o loungour) enflourejado : 2 à 3 mm
Flourido : Estiéu

Sòu : Ca
Autour basso e auto : 400 à 1300 m
Aparado : Noun
Avoust à óutobre

Liò : Tepiero seco
Estànci : Subremediterran à Mountagnard
Couroulougi : Bourealo
Ref. sc. : Artemisia campestris subsp. campestris L., 1753

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.